पंतप्रधानांनी हिरोशिमा येथे महात्मा गांधींच्या पुतळ्याचे अनावरण केले

पंतप्रधान श्री नरेंद्र मोदी यांनी 20 मे 2023 रोजी जपानमधील हिरोशिमा येथे महात्मा गांधींच्या पुतळ्याचे अनावरण केले.

अनावरण समारंभात उपस्थित मान्यवरांमध्ये पंतप्रधानांचे विशेष सल्लागार आणि संसद सदस्य महामहिम श्री नाकतानी झेन, हिरोशिमा शहराचे महापौर श्री कासुमी मात्सुई; श्री तात्सुनोरी मोटानी, हिरोशिमा सिटी असेंब्लीचे अध्यक्ष, हिरोशिमाचे खासदार आणि वरिष्ठ सरकारी अधिकारी, भारतीय समुदायाचे सदस्य आणि जपानमधील महात्मा गांधींचे अनुयायी.

19 ते 21 मे दरम्यान होणाऱ्या G-7 शिखर परिषदेच्या संदर्भात पंतप्रधानांच्या जपान दौऱ्यादरम्यान भारत आणि जपान यांच्यातील मैत्री आणि सद्भावनेचे प्रतीक म्हणून हिरोशिमा शहरात महात्मा गांधींचा पुतळा सादर करण्यात आला आहे.

42 इंच उंच कांस्य पुतळा पद्मभूषण पुरस्कारप्राप्त श्री राम वनजी सुतार यांनी साकारला आहे. मोटोयासू नदीला लागून असलेली ही जागा, प्रतिष्ठित ए-बॉम्ब डोमच्या जवळ आहे, ज्याला हजारो स्थानिक आणि पर्यटक दररोज भेट देतात.

शांतता आणि अहिंसेचे एकतेचे प्रतीक म्हणून या जागेची निवड करण्यात आली आहे. महात्मा गांधींनी आपले जीवन शांती आणि अहिंसेला समर्पित केले. जगाला आणि नेत्यांना प्रेरणा देणाऱ्या गांधीजींच्या तत्त्वांशी आणि जीवनाशी खऱ्या अर्थाने हे ठिकाण प्रतिध्वनीत आहे.